Kitzijonik jun ak'wal rik'in jun che'

Ak’wal:                 Räx räx ri ab’onil, kan jeb’ël ri ab’anikil,            pïm ri apam, k’ïy ri axaq, nïm ri aq’ijul,            ¿Achike k’a ruma’ yab’ison?          Che’:                  Yib’ison ruma’ nq’axon nupospo’y            man tikirel ta chik yatinq’etej,            manäq chik ri nuq’a’;            ri winaqi’ nikiqupij chin nuwäch            ri chikopi’ man yejel ta pe wik’in,            xekäm ri wach’alal taq che’.               Ak’wal:                   ¿Yanüm? ¿Nchaqi’j achi’?  Che’:            Jantape’ yinüm, nichaqi’j nuchi’,            po rïn in yawa’ chik.                 Man jun ta chik ninrayij.            Tatz’eta’ ri tz’ïl k’o pa waqän, wawe’ chi wij.            Xa xe k’a nwajo’ chi rat naq’axaj nutzij chi ke ri awach’alal:            ¡Mani' chik rik’in ri kamik che’, mani' chik ri tz’ïl pa taq qaqän!                Ak’wal:                    Ütz k’a, ntaluj rutzijol.                   Po wakami, nwelesaj na ri q’ayis e k’o pa awaqän… Pa kiwi' konojel ri qanimal taq che' chuqa ri ak'wala' ri nkil kamïk qamak röj...